Novena xornada de folga en Bershka: "Non nos moverán, queremos traballar en igualdade salarial"

O cadro de persoal volveuse mobilizar diante da sede central do grupo Inditex en Arteixo
03/11/17.
As traballadoras/es das tendas Bershka da provincia de Pontevedra cumpriron hoxe o noveno día de folga consecutiva para esixir que se equiparen as súas condicións laborais e salariais coas que se aplican nas tendas da firma doutras provincias. Unha xornada máis, o persoal secundou a folga ao 100%, polo que as tendas de Vigo, Pontevedra e Vilagarcía permanecen pechadas. Para as catro e media desta tarde esta convocada unha xuntanza coa empresa en Arteixo, a onde as traballadoras volveron levar este venres as súas demandas.

O persoal de Bershka ratifica en asemblea seguir coa folga ante a proposta insuficiente da empresa

As traballadoras/es volverán mobilizarse este venres diante da sede de Inditex en Arteixo
02/11/17.
O cadro de persoal de Bershka na provincia de Pontevedra ratificou na asemblea celebrada este mércores continuar coa folga ao considerar insuficiente a proposta da empresa, que se nega a equiparar salarialmente as traballadoras/as pontevedresas coas da Coruña. Deste xeito, o paro indefinido chegou hoxe ao seu oitavo día cun seguimento do 100% e co peche das cinco tendas da provincia, mentres que este venres as empregadas/os volverán mobilizarse diante da sede de Inditex en Arteixo.

Continúa a folga en Bershka na provincia de Pontevedra cun seguimento total

A representación do persoal mantivo unha primeira xuntanza coa dirección que rematou sen acordo
31/10/17.
A folga convocada en todos os establecementos de Bershka na provincia de Pontevedra chegou hoxe ao seu sexto día cun seguimento total por parte das arredor de 65 traballadoras/es, que volveron concentrase ás portas das tendas aproveitando que unha xornada máis tampouco abriron as súas portas. A representación das traballadoras/es mantivo unha primeira xuntanza en Santiago coa dirección da empresa que rematou sen acordo, polo que o paro indefinido continuará até que remate a discriminación laboral na cadea pertencente ao grupo téxtil Inditex.

As traballadoras de Bershka de Pontevedra levan as súas reivindicacións á sede de Inditex

O persoal está en folga dende o pasado xoves para esixir a aplicación das melloras laborais
30/10/17.
Traballadoras de Bershka da provincia de Pontevedra, que están en folga indefinida dende o 26 de outubro, trasladaron este luns até a sede de Inditex en Arteixo as súas protestas en demanda da aplicación das melloras laborais pactadas noutras provincias e rematar así coa discriminación que padecen.

O 100% do persoal de Bershka en Pontevedra para no segundo día de folga

O comité convocou folga indefinida para rematar coa discriminación entre traballadoras/es
27/10/17.
O 100% do cadro de persoal de Bershka na provincia de Pontevedra, integrado por unhas 65 traballadoras/es, secundou a segunda xornada da folga indefinida convocada contra a discriminación laboral na empresa pertencente ao grupo téxtil Inditex. Ao igual que no día de onte, grupos de empregadas/es concentráronse dende primeira hora diante das cinco tendas que a marca ten na provincia (Vigo, Pontevedra e Vilagarcía), que ao igual que no día de onte non abriron as súas portas.

O comité Intercentros da CRTVG exixe o cese do Xefe de Redacción da Radio Galega

Dirixiu un escrito ao Director Xeral da Corporación a raíz do artigo "Carroñeros de la desolación"
26/10/17.
O Comité Intercentros da CRTVG vén de facer entrega ao Director Xeral da CRTVG dun escrito no que lle expresa o seu malestar e rexeitamento ás opinións feitas públicas pólo Xefe de Redación da Radio Galega, Luis Ojea, na columna titulada “Carroñeros da desolación”, que publicou hai uns días no xornal ABC e exixe o seu cese.

Distribuir contido