A CIG denuncia na Fiscalía o dono dunha franquía de McDonald's por persecución sindical e lesións

O propietario de Dama Ourense intentou por todos os medios que a central non lograse representación
04/6/18.
A CIG presentou este venres unha denuncia na Fiscalía da Audiencia Provincial de Ourense contra Esteban Jesús Cuesta Martín, administrador único da empresa Dama Ourense -franquía de McDonald's- por presuntos delitos de lesións, contra a integridade moral e atentado contra a liberdade sindical, tipificado este último no artigo 315 do Código Penal con penas de prisión.

As traballadoras de limpeza da Xunta denuncian discriminacións e demandan igualdade salarial

Mobilizaranse novamente o vindeiro xoves 31 diante de Presidencia
25/5/18.
Traballadoras de Grupo Norte, concesionaria do servizo de limpeza da Xunta de Galiza, concentráronse este xoves diante do edificio administrativo de San Caetano, para denunciar as discriminacións que sofren por razón de xénero, reclamar igualdade salarial e denunciar os excesos na carga de traballo.

A CIG demanda a Inditex negociar en Galiza os Plans de Igualdade para as traballadoras galegas

Non descarta mobilizacións na Coruña se non se equiparan as condicións ás do resto de provincias
16/5/18.
Delegadas/os da CIG-Servizos en Inditex participaron este mércores nunha xornada de traballo para pór en común as casuísticas laborais e en materia de igualdade nas distintas tendas do Grupo, na loxística e en cada provincia galega, para definir as pautas de actuación e as propostas a achegar á mesa de negociación. A secretaria nacional das Mulleres da central sindical, Margarida Corral, demandou un marco galego para que as condicións das traballadoras e os plans de igualdades se negocien coa empresa en Galiza e a secretaria nacional de CIG-Servizos, Transi Fernández, exixiu a equiparación das condicións laborais e salariais en todas as provincias, nomeadamente na da Coruña, onde non descartou mobilizacións se non se chega a un acordo.

A adxudicataria do estilismo da CRTVG ameaza con sancións o persoal por non identificarse en castelán

O comité de empresa remitiulle un escrito á dirección do ente público reclamando o cese desta actitude
10/5/18.
A proposta da CIG, o comité de empresa Corporación de Radio e Televisión de Galicia (CRTVG) entregoulle hoxe un escrito á dirección da canle pública reclamando o cesamento das amezas de sanción dos responsábeis da nova empresa adxudicataria do servizo de estilismo, Acicala Estilismo, ás súas traballadoras por non poñer en lugar visíbel as identificacións facilitadas e que están escritas en castelán.

O Comité Intercentros da CRTVG denuncia que avanza o desmantelamento do servizo público

A inxustificada desaparición do Diario Cultural e das desconexións teritoriais así o constatan
09/5/18.
O Comité Intercentros da CRTVG vén de emitir un comunicado no que adianta que as/os representantes do persoal enfrontarán co apoio da asemblea de traballadores e traballadoras medidas para revogar a desaparición da grella da Radio Galega do programa Diario Cultural e a supresión das desconexións para a información local. Anuncia a convocatoria de asemblea para o vindeiro luns día 14 de maio.

A CIG logra a maioría da representación sindical na empresa Dama Ourense, franquía de McDonald's

A pesar das presións e coaccións individuais e colectivas exercidas polo dono sobre o cadro de persoal
09/4/18.
A CIG vén de obter a maioría da representación sindical na empresa Dama Ourense, franquía de McDonald's, ao lograr dous dos tres representantes a elixir, a pesar das presións e coaccións individuais e colectivas exercidas polo propietario sobre o cadro de persoal.

Distribuir contido