Os bombeiros dos parques comarcais esixen un servizo público e de calidade

P1490430_grande.jpg
09/9/09.
Os bombeiros dos parques comarcais de Galiza reiteran o seu rexeitamento á política de xestión privada e precaria do servizo de emerxencias.

O colectivo defende un sistema público xestionado directamente pola administración, que recoñeza os seus dereitos laborais, homoxeneice as condicións de traballo dos distintos consorcios e permita un servizo que responda aos estándares de calidade da normativa europea.

Unha filial do xornal La Región despide a metade do cadro de persoal

07/9/09.
A empresa Outro, S.L., pertencente ao grupo de “La Región”, despediu catro traballadores no centro comercial do Paseo en Ourense. Tras estes despedimentos agóchase a intención empresarial de pechar o local con intereses especulativos.

As causas alegadas para despedir estes empregados son de tipo económico, polo que, á espera dunha decisión xudicial, só cobrarían 20 días por ano cun máximo de 12 mensualidades. Entre as persoas despedidas hai traballadores con 40 anos de antigüidade na empresa.

CIG-Servizos solidarízase co Sindicato Andaluz de Trabajadores pola detención de dez militantes

malleira_sat_andalucia.jpg
07/9/09.
A Federación de Servizos da CIG quere trasladarlle a súa solidariedade ao Sindicato Andaluz de Trabajadores (SAT) pola detención de dez sindicalistas, entre eles o seu secretario nacional, no decurso dunhas protestas contra a crise e o paro desenvolvidas en Sevilla o 6 de setembro.

600 activistas do SAT ocuparon por sorpresa o 6 de setembro as instalacións de Canal Sur e a estación de trens de Santa Justa da capital hispalense para protestar pola falta de medidas gobernativas para atallar as consecuencias da crise capitalista que padece a clase traballadora.

Editado un caderno co convenio do Comercio vario da provincia da Coruña

capa_caderno_comercio_vario_corunha_08_11.jpg
02/9/09.
CIG-Servizos vén de editar un caderno co convenio do Comercio vario da provincia da Coruña dos anos 2008-2011, que ademais contén as táboas salariais, información laboral básica e contactos cos locais nacional e comarcais da Federación. O caderno ha ser repartido nos vindeiros días entre as traballadoras e traballadores do sector.

Despois de máis dun ano de negociacións e mobilizacións, folga incluída, as traballadoras e os traballadores do comercio da provincia da Coruña conseguimos un triunfo ao asinar un convenio que marca un punto de inflexión nas maneiras de negociar e nas conquistas sociais e salariais acadadas.

O persoal das auxiliares de SOGAMA desmente que se negase a manipular residuos sanitarios

26/8/09.
O Comité Interempresas do Complexo Medioambiental de SOGAMA saíu ao paso dunhas declaracións do conselleiro de Medio Ambiente nas que culpa os traballadores do posíbel peche do Sigre, planta de xestión e procesamento de residuos sanitario-farmacéuticos, polo suposto “reparo” do persoal a tratar estes materiais. Os representantes dos empregados emitiron un comunicado de prensa negando este e outros extremos.

O Hotel Moon despide unha traballadora que esixiu o cumprimento do contrato

20090821_hotel_moon_01.jpg
24/8/09.
CIG-Servizos de A Coruña organizou unha concentración de protesta o 21 de agosto fronte ao Hotel Moon, estabelecemento que despediu recentemente unha traballadora que reclamou os seus dereitos e esixiu o cumprimento do contrato e do convenio.

A concentración desenvolveuse diante do Hotel Moon, sito na rúa Ramón y Cajal da cidade herculina. Unha ducia de delegados do sindicato e traballadores e traballadoras da Hostalaría congregouse na porta do hotel portando unha faixa co lema “Non á represión”, coreando consignas contra a precariedade e repartindo panfletos entre a clientela e a veciñanza.

Distribuir contido