Pecha a cafetaría do persoal do CHUAC por decisión da concesionaria

20090915_cafeteria_chuac_01.jpg
15/9/09.
CIG-Servizos quere trasladar o seu apoio os 22 empregados da cafetería do persoal do CHUAC (Complexo Hospitalario Universitario da Coruña), pertencentes á empresa adxudicataria Serunión S.A., tralo peche do centro de traballo decretado por esta como consecuencia da finalización da concesión.

CIG-Servizos demanda que se estabilice a situación do persoal da limpeza do Concello de Ourense

15/9/09.
O retraso na adxudicación da contrata da limpeza viaria e recollida do lixo do Concello de Ourense está a prexudicar seriamente o persoal . CIG-Servizos demanda que se estabilice axiña a situación laboral dos traballadores e traballadoras.

Traballadores do servizo de seguridade do centro comercial de Narón levan un mes sen cobrar

15/9/09.
Os cinco traballadores da empresa Syser, concesionaria da seguridade privada do centro comercial de Narón, aínda non percibiron o último salario nin a paga extraordinaria. Por este motivo, a CIG-Servizos de Ferrol mobilizouse xa en dúas ocasións, a última o 11 de setembro.

A central sindical nacionalista tamén solicitou unha reunión coa xerencia do centro comercial para que medie neste conflito coa intención de buscar unha solución ao impagamento de salarios.

O V Congreso da CIG-Servizos celebrarase o vindeiro 10 de abril

LOGO_CIG-SERVIZOS.JPG
14/9/09.
O Consello Nacional da Federación de Servizos da CIG aprobou, na reunión do 10 de setembro, que o V Congreso Nacional da CIG-Servizos se celebre o 10 de abril de 2010 en Compostela.

O regulamento precongresual, así como o calendario de realización das asembleas comarcais federativas, as datas das votacións e o número de congresitas serán aprobados na reunión do Consello Nacional do vindeiro 5 de novembro.

A patronal empantana a negociación do Comercio de Alimentación pontevedrés

11/9/09.
Os empresarios teiman en ofrecer unha proposta regresiva fundamentada nun incremento salarial do 1% para o ano 2009, un convenio con catro anos de vixencia, conxelar a antigüidade, eliminar as baixas ao 100%, así como suprimir a compensación e absorción.

Coa intención de estudar que tipo de respostas se poden dar para plantar cara a este desafío patronal, o persoal do sector foi convocado polos sindicatos CIG, UGT, CCOO, FETICO e USO a unha asemblea que se ha celebrar en Vigo o 17 de setembro no salón dos Salesianos (rúa Venezuela), a partir das 22:00 horas.

As traballadoras de Limpezas Ames están convocadas á folga indefinida a partir do 14 de setembro

20090911_folga_limpezas_ames.jpg
11/9/09.
As empregadas de Limpezas Ames, concesionaria do servizo de limpeza de dependencias municipais e de centros educativos deste concello compostelán, irán á folga indefinida a partir do 14 de setembro. A medida de protesta só rematará no momento en que as traballadoras cobren os salarios dos últimos tres meses.

CIG-Servizos considera que os servizos mínimos decretados polo Goberno municipal de Ames son excesivos e censura a precipitación coa que este os ditou, mesmo antes de que o comité de folga e a empresa se chegasen a reunir para tratalos.

Distribuir contido