Traballadoras/es de Ferrovial Servizos concéntranse nos xulgados de Ferrol contra a represión laboral

O xuízo quedou suspendido tras a proposta de negociar un acordo beneficioso para todo o persoal
06/4/18.
Traballadores e traballadoras de Ferrovial Servizos (que presta o servizo de limpeza do Hospital Arquitecto Marcide) concentráronse este venres diante dos xulgados de Ferrol, coincidindo co xuízo que ía ter lugar contra a empresa polas represalias laborais tomadas contra unha traballadora tras incorporarse dunha baixa médica. Finalmente, a vista quedou suspendida xa que na conciliación previa a compañía propuxo chegar a un acordo, que dende o comité se reclamou que beneficie a todo o persoal.

Concentración no restaurante Gasthof de Catro Camiños contra a represión sindical

A empresa despediu ao delegado da Sección Sindical da CIG
05/4/18.
A CIG desenvolveu este xoves unha concentración diante do restaurante que o Grupo Gasthof ten no Centro Comercial Catro Camiños da Coruña en rexeitamento ao despedimento dunha traballadora e dun traballador, sendo ademais este último delegado da Sección Sindical da CIG. Aínda que os despedimentos se produciron no restaurante que está no CC Área Central en Santiago, a Federación de Servizos acordou desenvolver a protesta na Coruña, xa que é nesta cidade onde a empresa naceu e ten a súa sede.

Desconvocada a folga no servizo de Estilismo da CRTVG tras a entrada dunha nova empresa

Tamén se abonou á administración concursal as cantidades retidas
28/3/18.
A folga indefinida que as traballadoras do servizo de Estilismo da CRTVG tiñan convocada a partir do 30 de marzo para esixir o cobro dos seus salarios quedou desconvocada logo de que o ente público confirmara a entrada dunha nova empresa (Acicala Estilismo), e que efectivizou o pagamento á administración concursal das cantidades retidas e sen as que non se podían saldar as débedas coas traballadoras.

O persoal das instalacións deportivas municipais da Coruña mobilízase contra a precarización

enuncian que Ferrovial Servizos recorta dereitos e utiliza a contrata como unha 'axencia de emprego'
26/3/18.
Traballadores e traballadoras das instalación deportivas municipais da Coruña concentráronse este luns na Praza de María Pita en rexeitamento aos continuados abusos por parte da empresa que xestiona a contrata: Ferrovial Servizos, e que leva anos precarizando as condicións laborais e castigando o persoal máis reivindicativo. A pesar de coñecer esta situación, o Concello da Coruña, titular do servizo, non adoptou até agora ningunha medida para corrixir estes abusos.

Mobilización contra a política de medo, represións e despedimentos en Mercadona

A empresa presiona con especial intensidade ao persoal de baixa para que se reincorpore ao seu posto
23/3/18.
A CIG realizou este venres unha concentración diante do supermercado que a cadea de distribución Mercadona ten no Centro Comercial Marineda da Coruña en rexeitamento á política laboral que aplica a empresa baseada no medo e as represións, e que resulta especialmente agresiva contra as traballadoras e os traballadores que collen unha baixa médica.

Continúan as mobilizacións en demanda do rescate do servizo de limpeza da USC

Convocan manifestación para o vindeiro día 3 de abri
22/3/18.
As traballadoras do servizo de limpeza da USC concentráronse esta mañá diante da Casa da Balconada para reclamar o rescate da contrata e que o servizo sexa prestado directamente pola universidade subrogando a todo o persoal que traballa na concesión. O persoal vén desenvolvendo mobilizacións desde principios do mes de marzo e ten previsto convocar unha manifestación para o vindeiro día 3 de abril.

Distribuir contido