Gadis

A central gaña nas tendas de Gadis da provincia da Coruña

Escrutinio das eleccións de Gadis no almacén de Piadela (30-06-2011)
02/7/11.
CIG-Servizos conseguiu un resultado espectacular nas eleccións ao comité provincial das tendas de Gadis na Coruña ao obter máis do 40% de apoio, que se traduce en 600 votos e 9 delegados. E todo malia as presións habituais e dos intentos da dirección por prexudicar o sindicato nacionalista a través da influencia dos encargados no voto, da contratación a última hora para inflar o censo, de se celebraren as eleccións en período de vacacións ou da difusión de mensaxes apocalípticas no caso de que gañase CIG-Servizos. Máis de 2.000 traballadores e traballadoras estiveron chamadas ás urnas en 90 centros espallados por toda a provincia coruñesa.

A central consegue representación nos Gadis pontevedreses a primeira vez que pode participar

20070116_gadis_betanzos_05.JPG
16/6/11.
CIG-Servizos conseguiu uns resultados meritorios nas eleccións ao comité de empresa dos Gadis da provincia pontevedresa, celebradas o 15 de xuño. A central obtivo dúas delegadas na primeira ocasión en que puido manter a candidatura até a conclusión do proceso. Tanto neste como en anteriores comicios, a empresa, CC.OO e USO perseguiron e acosaron as integrantes da lista da CIG-Servizos co propósito de que renunciasen. Mais desta volta non conseguiron dobregar a súa vontade e o sindicato nacionalista estará presente no órgano de representación do persoal.

Gadis despide traballadores por integrar a lista da CIG-Servizos

20070116_gadis_betanzos_01.jpg
26/5/11.
Cada vez que se aproximan unhas eleccións sindicais Gadis emprega todos os seus esforzos en pór todo tipo de obstáculos á CIG-Servizos para que non poida presentar candidatura ou, no seu defecto, diminúa a súa representación. Actualmente vén de despedir dous traballadores do almacén de Piadela que manifestaron a súa intención de participar na lista do sindicato. Gadis tamén paralizou no último momento a contratación dunha empregada por ser irmá dunha integrante do comité.

CC.OO e UGT rubrican un preacordo no comercio de alimentación coruñés sen consultalo cos traballadores

Folga no comercio de alimentación: piquete na Coruña 12
05/12/09.
CC.OO e UGT asinaron coa patronal, o 4 de decembro, un preacordo sobre o convenio do comercio de alimentación da provincia da Coruña que desconvoca a folga do día 9 e que ignora as necesidades do persoal dos almacéns e oficinas. Ambas centrais rubricaron o texto sen consultalo previamente cos traballadores/as. O 10 de decembro o preacordo será sometido a votación en asembleas na Coruña, Compostela e Ferrol.

Éxito sen paliativos da folga do comercio de alimentación malia as ameazas dos empresarios

Folga no Comercio de Alimentación: piquete en Piadela 13
29/11/09.
Por volta do 95% do persoal do comercio de alimentación secundou as folgas convocadas o 27 de novembro nas provincias da Coruña e Pontevedra. O paro foi total en Compostela e na nave de distribución de Gadisa, en Piadela (Betanzos). Este grupo deu novas mostras da súa actitude represiva ao impedir o acceso ás tendas dos comités de empresa e folga para exercer o seu labor informativo.

Comezan as mobilizacións do Comercio de Alimentación

Protesta en Piadela 1
23/11/09.
Concentracións en Betanzos, Poio e Ferrol serviron como punto de partida da campaña de mobilizacións no Comercio de Alimentación da Coruña e Pontevedra, cuxos traballadores/as están en pugna para conseguir convenios dignos. As protestas sucederanse ao longo desta semana até desembocar na folga do 27 de novembro, que afectará o persoal do sector en ambas provincias.

O Comercio de Alimentación coruñés aproba a convocatoria de folga

Asemblea do Comercio de Alimentación na Coruña
18/11/09.
As asembleas do Comercio de Alimentación celebradas na Coruña, Compostela e Ferrol na noite do 17 de novembro aprobaron de maneira case unánime convocar folga na provincia para o 27 deste mes. Os paros serán indefinidos a partir do 9 de decembro. Do mesmo xeito, acordouse un calendario de mobilizacións que comeza o 23 de novembro cunha concentración diante da nave de distribución de Gadisa, en Piadela (Betanzos).

Militantes da CIG-Servizos recrimínanlle a Roberto Tojeiro a explotación no Comercio de Alimentación

Tojeiro2.jpg
07/10/09.
Catro militantes da CIG-Servizos recrimináronlle en persoa a Roberto Tojeiro, vicepresidente do Grupo GADISA, a explotación existente no Comercio de Alimentación. Os activistas asistiron como público a un acto no que participaban este e outros empresarios do país.

Convocadas asembleas do Comercio de Alimentación en Ferrol, na Coruña e Compostela

Concentración nun GADIS de Betanzos en 2007
30/9/09.
O 5 de outubro os traballadores e traballadoras do Comercio de Alimentación da provincia da Coruña están convocados a asembleas en Compostela, Ferrol e na cidade herculina para debater acerca da situación da negociación do convenio, bloqueada por mor das propostas regresivas dos empresarios.

A patronal coruñesa do Comercio de Alimentación propón unha oferta completamente regresiva

20070116_gadis_betanzos_05.JPG
10/7/09.
Aumento salarial equiparábel ao IPC real, rebaixa do prezo das horas extras en domingos e festivos ou limitar o dereito ás vacacións son unha mostra da proposta regresiva en dereitos e condicións laborais que presentou a patronal do Comercio de Alimentación da Coruña na última xuntanza da negociación do convenio.

A patronal, encabezada por Gadis e Froiz, propón empeorar as condicións dos e das traballadoras do sector. Na súa oferta, os empresarios esquécense novamente da regulación da xornada, das categorías ou dos horarios. Tampouco fan mención aos novos complementos que retribúan traballos especiais.  

Distribuir contido