instalacións deportivas

Os empresarios están dispostos a estudar a oferta sindical nas instalacións deportivas

deportes_casa_auga_corunha.jpg
15/1/10.
A reunión celebrada no Consello Galego de Relacións Laborais o 14 de xaneiro para achegar posturas no conflito das instalacións deportivas serviu para que os empresarios comunicasen a súa disposición a estudar a oferta sindical presentada hai un mes. A parte social desconvocou a xornada de folga do 20 de xaneiro como mostra de boa vontade. Ese mesmo día, patronal e representantes dos traballadores volveranse reunir.

A terceira fase dos paros nas instalacións deportivas comeza o 16 de xaneiro

20100114_folga_deportes
14/1/10.
Se a patronal non o remedia, o 16 de xaneiro dará comezo a terceira fase da folga nas instalacións deportivas de Galiza. Os paros estenderanse até o día 20 deste mes e, de non haber acordo, a medida de presión converterase en indefinida desde o 1 de febreiro. Por outra banda, os traballadores realizarán, o 17 de xaneiro, unha marcha reivindicativa na Coruña que partirá ás 12:00 horas desde o Palacio de Deportes de Riazor e que concluirá na praza de María Pita.

A segunda fase da folga nos deportes logra pechar de novo as instalacións

20091222_folga_deportes.jpg
23/12/09.
Persoal das instalacións deportivas de toda Galiza desprazouse a Compostela o 22 de decembro para participar nunha concentración convocada diante das dependencias da Secretaría Xeral para o Deporte. Tras ocupar durante máis de media hora as oficinas, os traballadores saíron en manifestación até as dependencias da Xunta en San Lázaro. Deste xeito, púxose fin a catro xornadas consecutivas de paros e mobilizacións en demanda da negociación do convenio colectivo. O seguimento da folga volveu ser do 90%.

A irresponsabilidade da patronal de Deportes vai deixar sen servizo máis de 100.000 usuarios

balon_deportes.jpg
10/12/09.
Os sindicatos presentes na mesa de negociación do convenio galego de instalacións deportivas (CIG-Servizos, UGT e CC.OO) acusan a patronal de irresponsábel ao non terse movido nin un ápice das súas posturas, malia o éxito das tres xornadas de folga de novembro. A parte social prosegue coa súa intención de secundar novos paros en decembro e xaneiro. Os empresarios son os únicos responsábeis de que 100.000 usuarios fiquen sen servizo eses días.

A folga nas instalacións deportivas estenderase máis días debido ao inmobilismo empresarial

04/12/09.
Empregados das instalacións deportivas de Galiza decidiron ampliar a folga e estendela do 19 ao 22 de decembro e do 16 ao 20 de xaneiro. Os paros serán indefinidos a partir do 1 de febreiro. A convocatoria xa foi rexistrada ante a Consellaría de Traballo.

Amplo seguimento no primeiro día de folga nas instalacións deportivas

20091126_folga_deportes_corunha
26/11/09.
Máis do 90% dos traballadores e traballadoras das instalacións deportivas de Galiza secundaron o 26 de novembro a primeira das tres xornadas de folga convocadas no sector en demanda dun convenio digno. Os paros estiveron acompañados de concentracións en diferentes cidades do país. A folga proseguirá o 28 e 30 deste mes.

O sector de instalacións deportivas acorda ir á folga os días 26, 28 e 30 de novembro

20080305_folga_deportes_a_corunha_01
18/11/09.
Arredor de 2.500 traballadores e traballadoras de máis de 150 piscinas, instalacións e clubes deportivos de Galiza están chamados á folga os días 26, 28 e 30 de novembro en demanda da negociación do convenio colectivo. Os paros afectarán máis de 100.000 usuarios de máis de 100 concellos galegos e mesmo todas as competicións, desde alevíns até profesionais de todo tipo de deportes, segundo informaron en rolda de prensa os convocantes, as federacións de Servizos da CIG, CCOO e UGT.

Rompen as negociacións no convenio de instalacións deportivas

Protesta na Malata
06/11/09.
A parte social rexeitou a última oferta dos empresarios das instalacións deportivas, despois de analizala e sometela a debate nas asembleas de traballadores. O vindeiro 11 de novembro os delegados do sector están convocados a unha asemblea, ás 11:00 horas no local da UGT de Compostela, para estabelecer un calendario de mobilizacións.

Traballadores de instalacións deportivas están convocados a asembleas na Coruña e Pontevedra

20071122_traballadores_deportes_direccion_xeral_01.jpg
27/10/09.
Traballadores do sector de instalacións deportivas de toda Galiza están chamados a participar en asembleas na Coruña e Pontevedra para analizar a situación da negociación do convenio trala última proposta empresarial.

A asemblea en Pontevedra realizarase o 31 de outubro, ás 16:30 horas, no Edificio sindical (r/ Pasantería, 1 baixo). Na Coruña, celebrarase o 2 de novembro, ás 23:30 horas, no salón de actos de Edificio Sindical (avenida Alfonso Molina, s/n).

Os traballadores da piscina de Arteixo instan o Concello a que asuma a súa xestión

20080229_deportes_ferrol_04.jpg
04/8/09.
Os traballadores da piscina municipal de Arteixo solicítanlle ao Goberno local que asuma a xestión directa desta instalación deportiva logo de que deixase deserto o novo concurso de explotación do recinto, circunstancia que obriga a prorrogarlle a concesión á empresa Gaia.

Distribuir contido