mobilizacións

As protestas dos traballadores dos xeriátricos ouvíronse en Vilanova de Arousa

21/10/09.

Case un cento de traballadores e traballadoras do sector de Residencias Privadas da Terceira Idade participou na concentración de protesta diante do xeriátrico “Valle Inclán” en Vilanova de Arousa, acto enmarcado dentro do calendario de mobilizacións en demanda dun convenio digno para este colectivo.

A patronal, da que as organizacións sindicais continúan sen ter novas, pretende aproveitar a negociación do convenio para introducir recortes nos dereitos dos traballadores e traballadoras e a frear calquera tipo de mellora nas condicións laborais.

Profesionais de emerxencias manifestaranse o 30 de outubro para reclamar un modelo de xestión pública

20/10/09.

Os profesionais de toda Galiza dos servizos de emerxencias están chamados a participar nunha gran manifestación o vindeiro 30 de outubro en Compostela en contra da privatización da xestión do sector e para lle reclamar á Xunta a creación dun servizo público de prevención, extinción de incendios e salvamento, profesionalizado e de calidade.

A manifestación do vindeiro día 30, que partirá ás 11:00 da mañá das portas do Parlamento galego e rematará diante da Consellaría de Presidencia, estará precedida por unha serie de marchas a pé que realizará o persoal desde os distintos centros de traballo até Compostela.

Traballadores da seguridade privada do centro comercial de Narón convocan unha nova folga

19/10/09.

O persoal de seguridade do centro comercial de Narón terá que se mobilizar máis unha vez debido a que a empresa Syser non lle pagou o salario de setembro. Entre as medidas de presión encóntrase unha nova convocatoria de folga.

As protestas repetiranse pois os traballadores/as sufriron unha situación idéntica o mes pasado cando aínda non percibiran a paga extraordinaria de xullo nin a mensualidade de agosto.

As protestas do persoal dos xeriátricos privados trasladaranse a Vilanova de Arousa e Vigo

14/10/09.

Avanza o calendario de protestas dos traballadores e traballadoras das residencias privadas da Terceira Idade en demanda dun convenio digno. O 21 de outubro concentraranse diante da Residencia Valle Inclán de Vilanova de Arousa e, o 4 de novembro, fronte ao xeriátrico Sanitas (Rúa do Conde, 6) de Vigo. Ambas protestas, convocadas por CIG-Servizos e CC.OO, desenvolveranse ás 11:00 horas.

Unhas 200 persoas concéntranse diante dun xeriátrico Mapfre para reclamar un convenio digno no sector

01/10/09.

Traballadores das residencias privadas da Terceira Idade e delegados e delegadas da CIG e de CCOO iniciaron na mañá do 1 de outubro en Compostela as mobilizacións a prol dun convenio digno e con dereitos para un sector que ocupa máis de 5.000 persoas no noso país.

O persoal, maioritariamente feminino e cuns salarios que se aproximan aos 800 euros, acordou iniciar protestas logo da ruptura da mesa de negociacións, o pasado 17 de setembro, ante a postura intransixente da patronal e as pretensións de recortar os dereitos dos traballadores/as.

Reabre a cafetaría do persoal do CHUAC logo de tres semanas de protestas

30/9/09.

A cafetaría do persoal do Complexo Hospitalario Universitario da Coruña (CHUAC) vén de retomar a súa actividade logo de permanecer tres semanas pechada por un conflito entre a concesionaria, Serunión, e a xerencia do hospital herculino.

Tras máis de catro horas de xuntanza, a xerencia do CHUAC e Serunión chegaron a un entendemento o 28 de setembro. O acordo atinxido contempla que a concesión do servizo se prorrogará durante un ano, período durante o que a dirección do hospital convocará un novo concurso.

Benestar debe implicarse no conflito dos xeriátricos pois o 80% das prazas son concertadas

30/9/09.

CIG-Servizos e CC.OO solicitaranlle unha entrevista á conselleira de Traballo e Benestar co obxectivo de que este departamento autonómico interveña no conflito derivado da ruptura da negociación do convenio de Residencias Privadas da Terceira Idade.

O 80% das prazas ofertadas son concertadas. Ademais, a Xunta participa na empresa de capital mixto SOGASERSO, rede de servizos sociais na que están integrados numerosos xeriátricos.

O persoal de SEAGA segue sen saber cal vai ser o seu futuro

Protesta de SEAGA no mitin do PP en Silleda 1

28/9/09.

As mobilizacións do cadro de persoal da empresa pública SEAGA seguen adiante. Traballadores e traballadoras trasladáronse até Silleda o 26 de setembro para facer ouvir as súas demandas ante os dirixentes da Xunta que asistiron a un mitin do Partido Popular.

Uns 30 empregados de SEAGA, convocados polos comités provinciais, concentráronse nos accesos ao recinto feiral de Silleda onde nese momento se estaba a celebrar un acto partidario do PP. Os traballadores portaron faixas cos lemas “Servizo público, emprego estábel”, “SEAGA solución” e “Persoal SEAGA, futuro?".

O persoal dos xeriátricos privados mobilizarase contra a perda de dereitos

24/9/09.

Traballadoras e traballadores das Residencias Privadas da Terceira Idade mobilizaranse contra a perda de dereitos que pretende impor a patronal na negociación colectiva. As medidas de presión, apoiadas pola CIG-Servizos e CC.OO, comezarán o 1 de outubro na residencia “Mapfre-Quavitae” (San Lázaro-Compostela), ás 11:30 horas, coincidindo coa festa-aniversario deste xeriátrico.

Pecha a cafetaría do persoal do CHUAC por decisión da concesionaria

15/9/09.

CIG-Servizos quere trasladar o seu apoio os 22 empregados da cafetería do persoal do CHUAC (Complexo Hospitalario Universitario da Coruña), pertencentes á empresa adxudicataria Serunión S.A., tralo peche do centro de traballo decretado por esta como consecuencia da finalización da concesión.