Xunta

Informe xurídico da CIG confirma a ilegalidade do decreto dos horarios comerciais

20081017_folga_comercio_corunha_20
16/4/10.
A Asesoría Xurídica da CIG realizou un informe que pon de manifesto a ilegalidade que cometerá a Xunta se finalmente plasma nun decreto o borrador remitido aos sindicatos que autoriza máis días de apertura dos comercios en domingos e festivos. O Goberno autonómico quebranta o imperativo legal de que sexan os concellos quen determinen que os seus municipios sexan declarados áreas de grande afluencia turística e substitúe a iniciativa local por un informe da Federación Galega de Municipios e Provincias.

A Xunta quere ampliar ilegalmente os días de apertura dos comercios en domingos e festivos

20081017_folga_comercio_corunha_07
13/4/10.
A Xunta remitiu aos sindicatos un borrador de decreto para ampliar no que resta de ano en catro días, no caso da cidade de Compostela, e en dous nos demais concellos do país, o límite legal de oito xornadas anuais en que os comercios están autorizados a abrir en domingos e festivos. De aprobarse, o decreto será manifestamente ilegal por vulnerar, entre outras normas, o artigo 9.1 da Lei 13/2006 de Horarios Comerciais de Galiza. O Goberno autonómico actúa ao ditado dos intereses da asociación empresarial ANGED, a grande patronal da distribución, tal como recoñece no escrito enviado ás centrais sindicais.

SEAGA non paga os salarios de tramitación a dous traballadores readmitidos

Asemblea e manifestación de SEAGA 10
30/3/10.
A empresa pública SEAGA, dependente da Consellaría de Medio Rural, readmitiu dous representantes sindicais da CIG mais non lles aboou os salarios de tramitación, aqueles que lles corresponden desde o momento en que foron despedidos até o intre en que se produciu a readmisión. Deste modo, o departamento autonómico dirixido por Samuel Juárez incumpre unha sentenza ditada neste sentido por un xulgado do Social de Ourense. A asesoría xurídica da CIG solicitará ao órgano xurisdicional a execución íntegra do fallo.

Seis operarios da limpeza do CPI de Panxón perderán os seus postos a partir de abril

23/3/10.
Seis traballadores e traballadoras da empresa Limpiezas Germania que prestan os seus servizos no CPI de Panxón perderán os seus postos a partir do primeiro de abril. A Consellaría de Educación decidiu que o persoal laboral do centro (camareiros-limpadores) asuma as funcións que realizan os operarios da concesionaria.

A patronal non acode a unha mediación e enquista aínda máis o conflito dos deportes

Marcha solidaria na Coruña por un convenio galego de instalacións deportivas 12
23/2/10.
Os empresarios das instalacións deportivas non compareceron o 22 de febreiro nunha mediación convocada no Consello Galego de Relacións Laborais para tentar abrir algunha vía que posibilite o diálogo coa parte social. Por outra banda, as protestas proseguen, tal como se demostrou o día 23 con peches simultáneos en Ames, Pontevedra, Ferrol e A Coruña.

Persoal de deportes é desaloxado pola policía da Dirección Xeral de Relacións Laborais

20100219_peche_relacions_laborais_pixelin.jpg
21/2/10.
A actuación da policía puxo fin a cinco horas de peche de sindicalistas e traballadores das instalacións deportivas no despacho do director xeral de Relacións Laborais, Odilio Martiñá. O desaloxo provocou contusións a varias persoas que participaron na protesta, desenvolvida o 19 de febreiro. Por volta de 200 empregados do sector concentráronse no exterior do edificio.

A segunda fase da folga nos deportes logra pechar de novo as instalacións

20091222_folga_deportes.jpg
23/12/09.
Persoal das instalacións deportivas de toda Galiza desprazouse a Compostela o 22 de decembro para participar nunha concentración convocada diante das dependencias da Secretaría Xeral para o Deporte. Tras ocupar durante máis de media hora as oficinas, os traballadores saíron en manifestación até as dependencias da Xunta en San Lázaro. Deste xeito, púxose fin a catro xornadas consecutivas de paros e mobilizacións en demanda da negociación do convenio colectivo. O seguimento da folga volveu ser do 90%.

Traballadores dos xeriátricos espallan cueiros usados diante da Delegación de Benestar na Coruña

20091217_xeriatricos_corunha_01.JPG
17/12/09.
O persoal das residencias privadas da terceira idade retomou o 17 de decembro na Coruña o calendario de mobilizacións con concentracións diante do xeriátrico Concepción Arenal, xerido por Mapfre-Quavitae, e da Delegación Territorial da Consellaría de Traballo e Benestar, en cuxas portas algúns manifestantes espallaron cueiros usados en sinal de rexeitamento pola inhibición deste departamento autonómico.

Os partidos políticos consenten que a xestión das emerxencias siga sendo privada

Mani bombeiros 08 (20091030)
12/12/09.
Ningún dos tres partidos maioritarios foi capaz de atinxir un compromiso cos traballadores de emerxencias para que a xestión deste servizo sexa pública. Como resposta a esta indiferenza, os sindicatos xa están a planificar unha manifestación en xaneiro diante da Deputación da Coruña, unha das institucións que delega en empresas privadas a explotación dos parques de bombeiros.

O Comité Interempresas de SOGAMA reúnese con responsábeis da Consellaría de Medio Ambiente

01/10/09.
Membros do Comité Interempresas do Complexo Medioambiental de SOGAMA mantiveron o 2 de outubro unha xuntanza co director xeral de Calidade e Avaliación Ambiental da Xunta para abordar os problemas xerados arredor do SIGRE, planta de procesamento de residuos santiario-farmacéuticos.

A reunión fora solicitada polos representantes dos traballadores logo dunhas declaracións do conselleiro de Medio Ambiente nas que acusaba o persoal de se negar a manipular residuos sanitarios.

Distribuir contido