folga

As Seccións Sindicais da CIG en Navantia trasladan apoio ás traballadoras/es de Cleanet en folga

O persoal está en folga dende o pasado 27 de outubro para esixir o cobro dos seus salarios
21/11/14.
A Seccións Sindicais da CIG en Navantia Fene e Ferrol trasladaron o seu apoio ás traballadoras e traballadores de Cleanet, empresa que ten a contrata dos servizos de limpeza das dependencias do Ministerio de Defensa, e que están en folga indefinida dende o pasado 27 de outubro para esixir o cobro dos salarios adebedados.

Satisfacción polo seguimento da folga convocada no servizo de Bos días cole, nos CEIP de Ames

CIG-Servizos denuncia que os servizos mínimos foron abusivos e que a empresa substituíu o persoal en folga por outro alleo
14/11/14.
A CIG-Servizos vén de manifestar a súa satisfacción polo seguimento da folga convocada no servizo de ‘Bos días’ nos CEIP de Ames en demanda da readmisión da traballadora despedida pola empresa Órbita Infantil, que é a adxudicataria. Con todo, a CIG-Servizos anuncia que presentará unha denuncia pola substitución do persoal en folga por outro que non se sabe se procedía doutros servizos ou era alleo e cuestiona os servizos abusivos decretados para esta xornada.

O persoal de Diario de Pontevedra acorda en asemblea convocar unha semana de folga

A decisión tomase logo de despediren o pasado martes 7 traballadores/as: 2 de administración, 1 de preimpresión e 4 de redacción
30/10/14.
As traballadoras e traballadores de Diario de Pontevedra acordaron en asemblea a convocatoria dunha semana de folga. A decisión, que foi adoptada por todo o persoal cun só voto en contra, tomouse logo de que o pasado martes a empresa comunicara o despedimento a sete traballadores/as.

Traballadores/as de toda Galiza percorreron Lugo en solidariedade coa loita do persoal de Urbaser

Denunciarán por vía penal à empresa e a Orozco, en canto a Inspección constate que se vulnerou o dereito á folga
05/7/14.
Centos de persoas chegadas de toda Galiza participaron este sábado na manifestación convocada en solidariedade cos traballadores e traballadoras de Urbaser de Lugo, para arroupalos/as na súa loita e reclamar a readmisión dos/as despedidos/as, a anulación das máis de 66 sancións impostas e a sinatura dun convenio digno. En representación da CIG Paulo Carril, secretario de Organización, expresou o apoio incondicional da central sindical, animou ao cadro de persoal a non dar “nin un paso atrás” e a resistir nas súas xustas reivindicacións.

O Comité de Folga de Urbaser denuncia a existencia dun vertedoiro ilegal de lixo nunha finca do Ceao

Afirman que a retirada dos residuos demostra as constantes “actuacións irregulares do Concello e a empresa"
30/6/14.
O Comité de Folga de Urbaser presentou denuncia diante da Policía Autonómica o pasado sábado, logo de detectar a existencia dun vertedoiro ilegal no que se acumulaban sobre 80 toneladas de lixo. Tan só un día despois, na tarde do domingo comezaban as tarefas para a retirada dos residuos, un feito que para o Comité demostra a “absoluta ilegalidade deste vertedoiro” e clarifica “as constantes actuacións irregulares por parte do Concello e Urbaser” dende que deu inicio a folga indefinida.

O persoal de Urbaser denuncia diante da Inspección de Traballo a vulneración do dereito á folga

Camións escoltados pola policía e traballadores/as substituíndo aos folguistas recolleron o lixo a pasada noite
27/6/14.
O persoal de Urbaser, que continuou este venres coas mobilizacións, presentou unha denuncia diante da Inspección de Traballo por vulneración do dereito á folga. A pasada noite a empresa sacou das instalacións catro camións de carga lateral que foron baleirando os contedores. Un traballo que desenvolveron traballadores con roupa da empresa, escoltados pola policía, co obxectivo de substituír aos que están en folga.

O Comité de Empresa de Urbaser de Compostela valora a posibilidade de convocar folga indefinida

Ten que ser ratificada en consulta ás traballadoras e traballadores
26/6/14.
O Comité de Empresa de Urbaser de Compostela, reunido en xuntanza extraordinaria polos despedimentos dos compañeiros de Lugo, valorará a posibilidade dunha convocatoria de folga indefinida nas próximas datas, por mor das negociacións do seu convenio e en solidariedade coa loita dos compañeiros de Lugo, unha vez sexa ratificada en consulta aos traballadores e traballadoras.

Paro total e protestas no Concello de Vigo, Fogasa e Xunta na primeira xornada de folga en Pórtico

05/6/14.
A totalidade do cadro de persoal de Pórtico secundou hoxe a primeira xornada de folga convocada en defensa do emprego na compañía viguesa e levou a cabo concentracións de protesta diante do Concello de Vigo, na sede do Fondo de Garantía Salarial (Fogasa) e na delegación da Xunta. O comité de empresa mantivo unha xuntanza co alcalde para trasladarlle a súa preocupación polo futuro da empresa e entregou un escrito no Fogasa reclamando unha reunión co secretario xeral.

O persoal de limpeza de Gaia suspende a folga temporalmente ante o inicio da mediación do AGA

A primeira reunión entre as partes terá lugar este mesmo xoves, 8 de maio
06/5/14.
As traballadoras e traballadores dos servizos de limpeza de Gaia acordaron suspender a partir de mañá, mércores 7 de maio, a folga iniciada hai máis de dúas semanas, ao conseguir que se fixe unha data para a mediación do AGA no conflito colectivo presentado contra a modificación das condicións de traballo.

Persoal de limpeza de Gaia cumpre terceiro día de folga contra a modificación das condicións

A empresa ten a concesión dos complexos deportivos da Xunta na Coruña
16/4/14.
Traballadores e traballadoras das instalacións deportivas da Xunta xestionadas por Gaia concentráronse este mércores diante do complexo de Elviña (A Coruña) en apoio ao persoal de limpeza, que hoxe cumpre a terceira xornada de folga en contra da modificación substancial das condicións de traballo que a empresa pretende impor.

Distribuir contido