folga

Convocada folga indefinida na limpeza dos colexios públicos de Vigo

Protesta no pleno municipal de Vigo das traballadoras da limpeza dos colexios públicos

04/11/10.

O comité de empresa das traballadoras da limpeza dos colexios públicos de Vigo acordou convocar folga indefinida a partir do 15 de novembro. A protesta afectará 57 centros educativos. Linorsa, a concesionaria deste servizo que emprega 155 operarias, incumpre de xeito sistemático os acordos acadados co comité no tocante a contratacións e horarios. O Concello é coñecedor da situación mais fai caso omiso das reclamacións da parte social. As traballadoras están chamadas a participaren nunha asemblea no local da CIG viguesa, o 10 de novembro, ás 20:00 horas.

A folga na limpeza ourensá avanza cun seguimento do 100% do persoal fixo

02/11/10.

Os traballadores e traballadoras realizaron asembleas e concentracións no terceiro día de folga no servizo de limpeza viaria e recollida do lixo do Concello de Ourense. O seguimento está a ser do 100% entre o persoal fixo e non se rexistraron incidentes de ningunha clase. As mobilizacións proseguirán o 3 de novembro, ás 10:00 horas, cunha concentración ás portas da Casa Consistorial para demandar a readmisión da compañeira despedida e mais a dimisión do xerente da empresa.

CIG-Servizos insta o Concello ourensán a se implicar para evitar a folga na limpeza

27/10/10.

CIG-Servizos reitera o seu chamamento ao Goberno municipal de Ourense para que interveña no caso da traballadora da concesionaria da limpeza que foi despedida por encabezar a candidatura da central nacionalista. O 28 de outubro celebrarase o acto de conciliación na Unidade de Mediación, Arbitraxe e Conciliación (UMAC).

Convocada folga indefinida en Ecourense en solidariedade cunha candidata da CIG despedida

18/10/10.

A asemblea de traballadores de Ecourense, concesionaria do servizo de limpeza viaria e recollida do lixo do concello ourensán, aprobou por unanimidade convocar folga indefinida, que comezará ás 22:00 horas do 28 de outubro e que se prolongará até conseguir a readmisión dunha operaria despedida por encabezar a lista da CIG.

Os paros han continuar no almacén de Pull&Bear a prol dun acordo laboral digno

04/10/10.

Os traballadores e traballadoras do almacén loxístico de Pull&Bear en Narón continuarán coa folga para conseguir un acordo laboral que colme as súas expectativas. Haberá novos paros os días 5, 6, 7 e 11 de outubro ao rexeitaren os operarios en asemblea a última oferta patronal. Deste xeito, dáselle continuidade ao calendario de mobilizacións que aprobaran semanas atrás os empregados e empregadas.

A CIG anima a participar nas manifestacións que convoca o 29-S

27/9/10.

A Confederación Intersindical Galega anima todos os traballadores e traballadoras de Galiza, así como a cidadanía en xeral, a participaren nas manifestacións que convoca o 29 de setembro na rúas de Vigo, A Coruña, Pontevedra, Santiago, Ferrol, Ourense, Lugo, Vilagarcía, Noia, Foz e Cee.

O mercadiño e o mercado de Recimil, en Ferrol, únense á folga xeral

27/9/10.

Sindicalistas da CIG-Servizos de Ferrol visitaron o 27 de setembro o mercado e o mercadiño de Recimil para informar sobre os motivos para ir á folga xeral do día 29. A receptividade por parte dos traballadores autónomos da praza e dos vendedores ambulantes foi moi boa e a maioría manifestou que apoiará o paro.

Sucédense os apoios públicos á folga xeral

23/9/10.

Numerosas seccións sindicais, comités e asembleas están a manifestar o seu apoio público á folga xeral do día 29. Se hai uns días era a afiliación da limpeza do Hospital Arquitecto Marcide quen animaba a participaren na xornada de loita, agora fano outras seccións sindicais como a de Sidecu de Narón, a do almacén loxístico de Pull&Bear, o comité de empresa de Urbaser de Ferrol ou asemblea de persoal da limpeza do concello naronés.

Paulo Rubido disertará en Ferrol sobre as razóns para ir á folga

21/9/10.

O secretario nacional da CIG-Servizos, Paulo Rubido, participará o 22 de setembro en Ferrol nunha charla-debate sobre a folga xeral. A palestra ha ter lugar ás 20:00 horas no salón de actos da Unión Comarcal, sito na rúa Eduardo Pondal, 41-43.

A sección sindical na limpeza do Arquitecto Marcide emite un comunicado de apoio á folga xeral

20/9/10.

A sección sindical da CIG-Servizos en Eurolimp no centro de traballo do hospital Arquitecto Marcide de Ferrol emitiu un comunicado en que anima a secundar a folga xeral convocada para o 29 de setembro contra a reforma do mercado laboral.