negociación colectiva

Desconvocan a folga da recollida do lixo de Nigrán tras un preacordo que mantén os salarios

A maioría do cadro de persoal aprobou suspender o paro indefinido previsto para o venres 14

13/6/13.

No día de hoxe chegouse a un preacordo, avaliado pola maioría do persoal do servizo de recollida de lixo do Concello de Nigrán adscritos á empresa Cespa, polo que se desconvoca a folga indefinida prevista para este venres 14 de xuño en resposta á intención da compañía de aplicar durante a negociación do convenio o artigo 41 da nova reforma laboral e modificar substancialmente as condicións de traballo.

Concentración diante da planta de Nostián contra os despedimentos e o desmantelamento do convenio

Albada despediu a oito traballadores/as en represalia pola negativa do Comité a asumir as rebaixas salariais e laborais

07/6/13.

Traballadores e traballadoras de Albada realizaron este venres, durante dúas horas, unha concentración ás portas da planta de tratamento de residuos de Nostián para rexeitar os despedimentos aplicados pola empresa, tras da negativa do Comité a asumir a rebaixa salarial do 25% e o incremento da xornada semanal que a dirección quere impor na negociación do novo convenio colectivo.

Albada despide a oito traballadores/as como represalia á negativa a asumir unha rebaixa salarial do 25%

Comité e CIG denuncian que detrás do desmantelamento do convenio, a empresa busca unha modificación do actual modelo da planta

31/5/13.

O Comité de Albada compareceu este venres en rolda de prensa para denunciar a política de represión que está a aplicar a empresa (que ten a concesión da planta de Tratamento de Residuos de Nostián) en resposta á negativa do Comité a asumir a rebaixa salarial do 25% e o incremento da xornada semanal que a dirección pretende impor na negociación do novo convenio colectivo.

O Presidente do Comité, Xosé Manuel Vilariño, explicaba que o pasado mes de marzo se constituíu, a instancias da empresa, a mesa de negociación do novo convenio colectivo, todavez que o vixente caducou o 31 de decembro. Na primeira reunión, a dirección presentouse cunha proposta para este 2013 que suporía unha rebaixa salarial do 25% e un incremento da xornada semanal, pasando das 38,5 horas actuais á 42 horas semanais.

Adíase a celebración na Audiencia Nacional do xuízo por conflito colectivo en La Voz de Galicia

Ás 9:05 horas do 19 de marzo terá lugar o acto de conciliación e ás 10:00 horas celebrarase a vista se non hai acordo

14/2/13.

A sección sindical da CIG informa de que a instancias da parte empresarial a Audiencia Nacional decidiu suspender os actos de conciliación e posterior xuízo en materia de Conflito Colectivo que o Comité Intercentros ten interposto contra La Voz de Galicia S.A. e que estaban previstos inicialmente para o próximo día 28 de febreiro. Da mesma maneira acordou fixar novo sinalamento para o día 19 de marzo de 2013 ás 9.05, para o acto de conciliación e, de non haber acordo, ás 10.00 para a celebración do correspondente xuízo.

Traballadores/as da limpeza continúan co calendario de mobilizacións por un convenio digno

28/1/13.

Traballadores e traballadoras dos servizos de limpeza da provincia da Coruña continuaron o pasado venres co calendario de mobilizacións para esixir da gran patronal do sector que asine o preacordo que existe entre organizacións sindicais e as pequenas empresas provinciais para o novo convenio colectivo. Desta volta a protesta trasladouse novamente até o interior do Alcampo de Ferrol.

Continúan as mobilizacións dos traballadores/as de limpeza da Coruña en demanda dun novo convenio

A gran patronal española négase a ratificar o acordo acadado entre as empresas locais e as centrais sindicais

07/1/13.

Traballadores e traballadoras chegados/as de distintos puntos da provincia da Coruña realizaron unha nova concentración no Centro Comercial Catro Camiños e no Corte Inglés da cidade herculina para esixir da gran patronal do sector (ASPEL) que asine o texto do novo convenio colectivo provincial. Esta negativa ocasionará que a partir de xuño o convenio provincial desapareza e o persoal pase a estar rexido polo convenio estatal que ASPEL vén de asinar en Madrid.

Comunicado perante a capitulación do sindicalismo español na seguridade

28/3/12.

O sector da seguridade privada da CIG-Servizos emitiu un comunicado de oposición frontal ao acordo atinxido entre a patronal e o sindicalismo español, que deixa sen efecto os incrementos salariais contemplados no convenio e que amplía a súa vixencia dous anos máis. A central nacionalista segue a reclamar con insistencia un convenio galego para o sector.

Empresarios da seguridade e sindicatos españois deixan sen efecto a suba de 2012

26/3/12.

A maioría das asociacións empresariais da seguridade privada e as centrais UGT, USO e CC.OO pactaron ampliar a vixencia do convenio sectorial dous anos máis, até o 31 de decembro de 2014. Patróns e sindicatos españois tamén conviñeron deixar sen efecto para 2012 o incremento salarial previsto no artigo 73 do texto, que estabelecía unha suba do 4´4%. CIG-Servizos foi o único sindicato que non subscribiu este acordo.

Patronal, UGT e CC.OO queren centralizar en Madrid a negociación da limpeza

Concentración da CIG e ELA en Madrid contra a centralización da negociación colectiva no sector da limpeza (02-02-2012) 5ª

03/2/12.

Empresarios e as cúpulas de UGT e CC.OO pretenden centralizar a negociación colectiva da limpeza de edificios e locais. Este propósito está a plasmarse na mesa negociadora do primeiro convenio estatal, onde unha parte importante da patronal, coa aquiescencia das centrais españolas, quere limitar o ámbito competencial dos convenios provinciais e de empresa.

Sindicatos e patronal alcanzan un acordo na revisión das táboas da axuda a domicilio

16/1/12.

Sindicatos e patronal do sector autonómico de axuda a domicilio celebraron un acto de conciliación no TSXG que rematou con avinza no tocante á revisión salarial de 2011. A suba será do 5% (3% do IPC real de 2010 máis o 2%). O presente acordo supón o arquivo das actuacións do conflito colectivo que presentaran CIG-Servizos, CC.OO e UGT.