Comercio de Alimentación da Provincia de Ourense

O Boletín Oficial da Provincia de Ourense de 21 de Novembro recolle o convenio colectivo con vixencia para os anos 2013, 2014, 2015 e 2016.

O BOP de Ourense publicou hoxe unha corrección de erros no convenio do Comercio de Alimentación da provincia. Trátase, apenas, da correción do nome de un Real Decreto mencionado nas táboas salariais.

Revisión salarial do ano 2012, publicada no BOP do 8 de marzo de 2012.

A Comisión Paritaria do convenio do comercio de alimentación da provincia de Ourense asinou as táboas salariais do ano 2012, en cumprimento do artigo 10 do texto. Dito precepto estabelece que o incremento salarial é de 30 euros lineais para cada ano de vixencia.

Por outra banda, todos os traballadores han percibir en concepto de gratificación de actividades 55,17 euros, cantidade que será aplicada en 12 mensualidades.

Convenio 2011-2012, publicado no BOP o 31 de maio de 2011.

Sindicatos, entre eles a CIG-Servizos, asinaron coa patronal, o 25 de abril, o convenio do comercio de alimentación da provincia de Ourense dos anos 2011-2012. Pactouse, entre diversos aspectos, unha suba de 30 euros ao mes para cada ano de vixencia, un incremento do plus de actividade do 3´6% para o 2011 ou que nas empresas con máis de 30 traballadores haxa un mínimo do 75% de emprego fixo.

Revisión salarial de 2010.

O convenio colectivo do Comercio de Alimentación da provincia de Ourense foi publicado polo Boletín Oficial da provincia o pasado 30 de xuño. A CIG non asinou o convenio.

No PDF adxunto figuran as actas das cinco xuntanzas mantidas desde marzo até abril deste ano entre as partes social e empresarial sobre a negociación do Convenio de Comercio de Alimentación da Provincia de Ourense.